Hósdagin 1. september vóru liðin 45 ár síðan Jógvan Kruse byrjaði í starvi hjá Poul Hansen.

Jógvan byrjaði sum 15 ára gamal á tí sum tá var nevnt Fiskivinnudeildin, og sum helt til úti á Bacalao í Havn.

Í 1972 byrjaði Jógvan sum sølumaður, og tað var hann inntil hann tók við sum leiðari á deildini hjá Poul Hansen á Tvøroyri. Á Tvøroyri var hann inntil hann aftur flutti til Havnar, har hann tók við sum leiðari á innkeypsdeildini.