Poul Hansen heilsøla

Næmingur til fíggjardeildina

Vit kunnu bjóða eitt áhugavert og spennandi lærupláss í einum samtaki við fjølbroyttum og avbjóðandi arbeiðsuppgávum. Tú verður partur av okkara vælvirkandi fíggjardeild við níggju dugnaligum starvsfólkum.

Í útbúgvingartíðini ert tú í skúla á Niels Brock í Keypmannahavn ein viku hvørja ferð. Nøkur fak kunnu takast online. Hvussu ofta tú skalt á skúla, veldst um hvat fyri miðnámsútbúgving tú hevur frammanundan.

Umsøkjarin

Vit vænta, at tú

  • hevur staðið HH, FHS, Student, HF ella líknandi miðnámsútbúgving
  • hevur góð evni at samstarva og samskifta
  • ert røkin og álítandi og dámar at hava gott skil á
  • hevur áræði og hug at útbúgva teg innan fíggjarfakið

Vit bjóða

  • eina skrivstovuútbúgving við sergrein í fíggjarbúskapi
  • egna næmingaætlan frá fyrsta degi, so tú altíð veitst, hvar tú skalt vera, og hvat tú skalt læra
  • eitt vælskipað lærupláss, ið setir tænastu í hásæti

Setanar- og lønarviðurskifti

Lærutíðin byrjar 1. mars 2023, ella eftir avtalu. Lønar- og setanartreytir eru sambært sáttmála millum Føroya Arbeiðsgevarafelag og Samverk.

Um tú hevur spurningar til starvið, ert tú vælkomin at ringja ella skriva til Ásu Hansen, fíggjarleiðara,  á tlf. 227222 ella skriva til ahansen@ph.fo.

Umsókn, lívsrensl og viðkomandi prógv skulu sendast til hr@ph.fo í seinasta lagi mikudagin 15. februar 2023.

 

Stutt um P/F Poul Hansen Poul Hansen samtakið er eitt handilsvirki í stórari menning, sum í dag umfatar bæði heilsølu, slaktarí, vistveitingardeild og saman við øðrum eigarum umsitur matvøruhandlar. Umleið 200 fólk starvast í samtakinum, sum varð stovnað í 1927. Samtakið fevnir tí sera breitt og hevur nógvar spennandi avbjóðingar innan fleiri ymisk starvsøki.

Víst verður eisini til heimasíðuna hjá samtakinum:  www.ph.fo

Sjálvboðin starvsumsókn

Ert tú áhugað/ur í at koma í starv hjá okkum, ert tú altíð vælkomin at senda okkum nøkur orð um teg sjálvan og hvat títt ynski er. Vit hava javnan brúk fyri ágrýtnum starvsfelagum á ymsu deildum okkara. Um okkum tørvar eitt starvsfólk, ið hóskar til tíni ynski, kunnu vit síðani seta okkum í samband við teg.

Send tína umsókn við lívsrensli til hr@ph.fo 

Vit loyva okkum at goyma tínar upplýsingar í eitt ár, síðani verða tær burturbeindar.

Send okkum eina umsókn

Umsóknarblað