Poul Hansen heilsøla

Starvsmøguleikar

Leyst starv

Sølu- og innkeypsfólk til frukt & grønt
 

Samtakið við vakstrarhuga
Poul Hansen samtakið er eitt handilsvirki í stórari menning, sum í dag umfatar bæði heilsølu, slaktarí og vistveitingardeild. Umleið 70 fólk starvast í samtakinum, sum varð stovnað í 1927. Samtakið fevnir tí sera breitt og hevur nógvar spennandi avbjóðingar innan fleiri ymisk starvsøki.

Sum sølu- og innkeypsfólk fært tú ein skiftandi arbeiðsdag, við stórari ábyrgd og við nógvum samstarvsfelagum, bæði í Føroyum og uttanlands.

Tín arbeiðsdagur:

  • Bíleggja frukt og grønt
  • Saman við søluleiðarunum at leggja til rættis, at vøruúrvalið altíð er inspirerandi, dynamiskt og samsvarar við árstíðina og grøna profilin hjá samtakinum
  • Tryggja, at góðskan er tann besta
  • Viðgera endurgjaldskrøv
  • Leggja prísir inn hvørja viku
  • Viðlíkahalda og menna vøruúrvalið
  • Dagligt samskifti við handilsleiðararnar og koma út til handlarnar

Vit bjóða:

  • Eina fyritøku í støðugari menning
  • Spennandi og fjølbroyttar arbeiðsuppgávur
  • Dugnalig og íðin starvsfólk

Vit vænta av tær, at tú:

  • hevur royndir við sølu, gjarna frá heilsølu ella matvøruhandli
  • hevur vitan um frukt og grønt ella í minsta lagi áhuga og áræði at seta teg inn í økið
  • hevur góð samstarvsevni
  • ert væl skipað/ur
  • verður drivin av góðum úrslitum
  • hevur góðan telduførleika og hevur lætt við at seta teg inn í nýggjar tekniskar skipanir
  • dugir føroyskt, dansk og enskt

Setanar- og lønarviðurskifti
Setanarstaður er á høvuðsskrivstovuni á Heykavegi 8 í Havn. Lønar- og setanarviðurskiftini eru sambært avtalu.

Skrivlig umsókn við viðkomandi skjølum skal sendast til hr@ph.fo

Umsóknir skulu vera okkum í hendi í seinasta lagi mánadagin 1. februar 2021.

Neyvari upplýsingar um starvið kunnu fáast við at venda sær til Tony Rasmussen, leiðari fyri catering og frukt & grønt, á tlf. 235317.

Sjálvboðin starvsumsókn

Ert tú áhugað/ur í at koma í starv hjá okkum, ert tú altíð vælkomin at senda okkum nøkur orð um teg sjálvan og hvat títt ynski er. Vit hava javnan brúk fyri ágrýtnum starvsfelagum á ymsu deildum okkara. Um okkum tørvar eitt starvsfólk, ið hóskar til tíni ynski, kunnu vit síðani seta okkum í samband við teg.

Send tína umsókn við lívsrensli til hr@ph.fo 

Vit loyva okkum at goyma tínar upplýsingar í eitt ár, síðani verða tær burturbeindar.