Poul Hansen heilsøla

Poul Hansen samtakið sóknast eftir næmingi til fíggjardeildina

Vit kunnu bjóða eitt áhugavert og spennandi lærupláss í einum samtaki við fjølbroyttum og avbjóðandi arbeiðsuppgávum. Tú verður partur av okkara vælvirkandi fíggjardeild við níggju dugnaligum starvsfólkum. Í útbúgvingartíðini ert tú í skúla á Niels Brock í Keypmannahavn. Skúlatíðin er ein vika hvørja ferð, og er býtt sundur, so tú í minsta lagi ert samanlagt átta vikur í skúla, í tíni lærutíð.

Umsøkjarin

Vit vænta, at tú

  • hevur staðið HH, FHS, Student, HF ella líknandi miðnámsútbúgving
  • hevur góð evni at samstarva og samskifta
  • ert røkin og álítandi og dámar at hava gott skil á
  • hevur áræði og hug at útbúgva teg innan fíggjarfakið

 

Vit bjóða

  • eina skrivstovuútbúgving við sergrein í fíggjarbúskapi
  • egna næmingaætlan frá fyrsta degi, so tú altíð veitst, hvar tú skalt vera, og hvat tú skalt læra
  • eitt vælskipað lærupláss, ið setir tænastu í hásæti

 

Setanar- og lønarviðurskifti

Lærutíðin byrjar skjótast gjørligt. Lønar- og setanartreytir eru sambært sáttmála millum Føroya Arbeiðsgevarafelag og S&K felagið.

Um tú hevur spurningar til starvið, ert tú vælkomin at ringja ella skriva til Ásu Hansen, leiðara á fíggjardeildini,  á tlf. 227222 ella skriva til ahansen@ph.fo.

Umsókn, lívsrensl og viðkomandi prógv skulu sendast til hr@ph.fo í seinasta lagi týsdagin 23. februar 2021.

 

Stutt um P/F Poul Hansen Poul Hansen samtakið er eitt handilsvirki í stórari menning, sum í dag umfatar bæði heilsølu, slaktarí, vistveitingardeild og saman við øðrum eigarum umsitur matvøruhandlar. Umleið 200 fólk starvast í samtakinum, sum varð stovnað í 1927. Samtakið fevnir tí sera breitt og hevur nógvar spennandi avbjóðingar innan fleiri ymisk starvsøki.

Víst verður eisini til heimasíðuna hjá samtakinum:  www.ph.fo